bahar aa.i hai phir vahshat ke saman hote jaate hain
mire siine men daghon ke gulistan hote jaate hain
mujhe bachpan kar ke dil-dahi bhi hoti jaati hai
jafa.en karte jaate hain pasheman hote jaate hain
kahan jaata hai ai dil shikva-e-mehr-o-vafa karne
vahan be-dad karne ke bhi ehsan hote jaate hain
‘nasim’-e-zinda-dil marne lage hain ḳhub-ruyon par
ghazab hai aise danish-mand nadan hote jaate hain
Leave a Reply