Poet
nukta-chini hai aur arastan-e-daman hai
jama-e-yar men anqa shikan-e-daman hai
daman-e-gul se bhi halka vazan-e-daman hai
is pe bhi baar use ek ek shikan-e-daman hai
kisi bekas ke lahu ke hain ye chhinTe qatil
gul-e-hasrat se jo phula chaman-e-daman hai
us ka ye kahna ki bas bas mira daman chhoḌo
naqsh siine pe vo dilkash suḳhan-e-daman hai
tum ne puchha gul-e-ruḳhsar hai kya daman se
aaj kuchh aur bahar-e-chaman-e-daman hai
garmi-e-husn sharar-rez hai munh is se na Dhank
mujh ko ai jaan ḳhatar-e-soḳhtan-e-daman hai
munh pe hai us ke jo daman-e-qaba-e-shabnam
ban gaya a.ina-e-saf tan-e-daman hai
chakh chalo sab se un ankhon ki qasam ai ‘tanvir’
ain taslim-e-sar-andaḳhtan-e-daman hai
Leave a Reply