usi ki tasvir hai jo dil par bani hui hai
vo shahzadi mira muqaddar bani hui hai
main tere ashkon ko apne sanson men jazb kar luun
tu ro rahi hai to meri jaan par bani hui hai
kabhi to aa.e to apne dil men dikha.un tujh ko
ki teri tasvir kitni sundar bani hui hai
tiri qayamat zarur ḳhase ki chiiz hogi
magar vo laḌki jo us se baḌh kar bani hui hai
jo meri ankhon se vaar hoga to dil pe hoga
miri udasi ko dekh ḳhanjar bani hui hai
sukun ka ek pal bhi ham ko diya nahin hai
ai zindagi tu to ham pe afsar bani hui hai
ye ḳhatm ho to visal ki raat aa.e ‘abdul’
abhi to ye shaam sham-e-mahshar bani hui hai
Leave a Reply