ajab sada ye numa.ish men kal suna.i di
kisi ne sang se tasvir ko riha.i di
sunahre harf bhi miTTi ke bhaav bech diye
tujhe to main ne na.e zehn ki kama.i di
bacha saki na mujhe bhiiḌ chup ke qatil se
hazar shor machaya bahut duha.i di
vo shaḳhs mar ke bhi apni jagah se hil na saka
ki ik zamane ne jumbish to intiha.i di
kabhi vo TuuT ke bikhra kabhi vo jam.a hua
ḳhuda ne us ko ajab mo.ajiza-numa.i di
Leave a Reply