Kahte Hain Sar-E-Rah Munasib Nahin Milna

kahte haiñ sar-e-rāh munāsib nahīñ milnā

kyā ḳhuub ki ab hogī kahīñ aur mulāqāt

halkī sī ḳhalish dil meñ nigāhoñ meñ udāsī

shāyad yūñhī hotī hai mohabbat kī shurūāt

TuuTe hue taare meñ nahīñ koī tajallī

palkoñ se girā ashk to kyā rah ga.ī auqāt

ham ne bhī uThā.ī hai bahut aaj ḳharābī

‘vāsif’ ko bulāo ki chaleñ sū-e-ḳharābāt

Leave a Comment