achchha tumhare shahr ka dastur ho gaya
jis ko gale laga liya vo duur ho gaya
kaghaz men dab ke mar gae kiide kitab ke
divana be-padhe-likhe mashhur ho gaya
mahlon men ham ne kitne sitare saja diye
lekin zamin se chand bahut duur ho gaya
tanhaiyon ne tod di ham donon ki anaa!
aina baat karne pe majbur ho gaya
daadi se kahna us ki kahani sunaiye
jo badshah ishq men mazdur ho gaya
subh-e-visal puchh rahi hai ajab saval
vo paas aa gaya ki bahut duur ho gaya
kuchh phal zarur aenge roti ke ped men
jis din mira mutalba manzur ho gaya
Leave a Reply