Aziz Warsi
pa.e sajda agar mujh ko na tera astan milta
jo paiham milne vaala tha sukun-e-dil kahan milta
miri masti pe zahid kis liye ab rashk karta hai
tiri taqdir men hota to lutf-e-javedan milta
haram tak hi agar mahdud hoti ashiqi apni
tum hi socho ki phir tum sa but-e-kafir kahan milta
miri shaffaf peshani ne meri laaj rakh li hai
mujhe kya kya samajhte tum jo sajdon ka nishan milta
‘aziz’-e-varsi jo tum bhi ibn-ul-vaqt ho jaate
tumhara tazkira bhi dastan-dar-dastan milta
Leave a Reply