kahan tevar hain un men ab vo kal ke
hava chalne lagi hai ruḳh badal ke
juda.i ki ghaḌi hai dushman-e-dil
bala hai ye nahin Talti hai Tal ke
ada un ki maza deti hai ham ko
maza aata hai un ko dil masal ke
paheli ban ke vo ojhal hua hai
kiye hain band dar sab us ne jal ke
vafa ke phuul tab samjho khilenge
jo aa.ega koi kanTon pe chal ke
vo kar dete hain na-mumkin ko mumkin
miri aghosh men akasr machal ke
nazar ke tiir nazuk hain tumhare
jabhi pur-lutf hain ye vaar halke
‘suhail’ is dil ki halat aur mohabbat
baha ankhon se vo patthar pighal ke
Leave a Reply