Nikalna Ho Dil Se Dushwar Kyun

nikalna ho dil se dushvar kyuun

ye ik aah hai is ka paikan nahin

ye haath us ke daman talak pahunche kab

rasai jise ta-gareban nahin

falak ne bhi sikhe hain tere se taur

ki apne kiye se pasheman nahin

mira nama-e-shauq talvon tale

na maliye ye khun-e-shahidan nahin

usi ki si kahne lage ahl-e-hashr

kahin pursish-e-dad-khvahan nahin

Leave a Comment