Ho Tark Kisi Se Na Mulaqat Kisi Ki

Hafeez Jaunpuri

ho tark kisi se na mulaqat kisi ki

yarab na bigaḌ jaa.e bani baat kisi ki

paanv ko jo phaila ke sar-e-sham se so.e

kya jaane vo kis tarah ka.i raat kisi ki

farma.iye kyuun kar vo sahe aap ki gaali

uTh sakti na ho jis se kaḌi baat kisi ki

farma.ishen tum roz karo shauq se lekin

ye jaan lo thoḌi si hai auqat kisi ki

mumkin hai ki samjhe na ‘hafiz’ aap ki chalen

sha.er se bhi chalti hai kahin ghaat kisi ki