main janam janam ka aniis huun kisi taur dil men basa mujhe
koi ranj hai to gamin na ho koi daagh hai to dikha mujhe
ye tamam sabza-e-ab-ju ye tamam ḳhema-e-rang-o-bu
tire jis ḳhayal ka aks hain vo ḳhayal kar de ata mujhe
jinhen harf-e-jan ki ḳhabar nahin vo paḌhane aa.e kitab-e-jan
jinhen koi ilm-e-vafa na tha vo sikhane aa.e vafa mujhe
main niyaz-mand-e-junun sahi mujhe aql se bhi hai vasta
kisi ḳhvab ki na jhalak dikha tire paas kya hai dikha mujhe
tiri guftugu se guman hua koi baat meri bhali lagi
main ‘na.im’ huun ki ‘hasan’ huun ab yahi baat pahle bata mujhe
Leave a Reply