ali-sardar-jafri

Aandhiyan Chalti Rahen Aflak Tharraate Rahe

andhiyan chalti rahen aflak tharrate rahe

apna parcham ham bhi tufanon men lahrate rahe

kaat kar raton ke parbat asr-e-nau ke tesha-zan

ju-e-shir-o-chashma-e-nur-e-sahar laate rahe

karvan-e-himmat-e-jamhur badhta hi gaya

shahr-yar-o-hukmaran aate rahe jaate rahe

rahbaron ki bhuul thi ya rahbari ka muddaa

qafilon ko manzilon ke paas bhatkate rahe

jis qadar badhta gaya zalim havaon ka kharosh

us ke kakul aur bhi aariz pe lahrate rahe

phansiyan ugti rahin zindan ubharte hi rahe

chand divane junun ke zamzame gaate rahe

More Poems

Leave a Comment