dahka paḌa hai jama-e-gul yaar ḳhair ho
jalne lage hain daman-e-gulzar ḳhair ho
chhalka paḌa hai chehron se ik vahshat-e-junun
phaila paḌa hai ishq ka bazar ḳhair ho
kin hadsati daur se do-char in dinon
aa baiThe hain ab ghar men hi aghyar ḳhair ho
”girne lage hain sar dar-o-divar ḳhair ho”
lagte nahin hain achchhe kuchh ash.ar ḳhair ho
bikne ko hain ab ham nahin tayyar ḳhair ho
uThne ko hain ab kucha-o-bazar ḳhair ho
Leave a Reply