gard-e-safar men aankh se ojhal kitne hi rah-gir hue
jitne saya-dar shajar the raah men daman-gir hue
jivan bhar ka bandhan ham to ghar se toḌ ke nikle the
lekin kuchh an-jane rishte pairon ki zanjir hue
khel hi khel men ek khilauna haath se gir kar TuuT gaya
nanhe munne hanste bachche ashkon ki tasvir hue
ham ne jo tahriren likkhin sab ki sab matruk huiin
vaqt ke hathon ham bhi kaisi be-ma.ani tafsir hue
Leave a Reply