Be-Hisi Chehre Ki Lahje Ki Udasi Le Gaya

be-hisī chehre kī lahje kī udāsī le gayā

vo mire andar kī saarī bad-havāsī le gayā

fasl sho.aloñ kī ugānā chāhtā thā shahr meñ

maañg kar jo aag kal mujh se zarā sī le gayā

sub.h ke aḳhbār kī surḳhī ne chauñkāyā magar

raat kā ik ḳhvāb saarī bad-havāsī le gayā

aaj to sūraj bhī mere ba.ad hī jaagā ‘salīm’

kaun phir gul-dān ke sab phuul baasī le gayā

Leave a Comment