ahmad-shahryar

Aaina Ban Ke Apna Tamasha Dikhaen Hum

aina ban ke apna tamasha dikhaen ham

yuun samne rahen ki nazar bhi na aaen ham

mumkin hai daur-e-jashn-e-charaghan ho jab yahan

vo tirgi badhe ki sahife jalaen ham

darpesh hai guzishta ruton ka safar hamen

hairat na kar ki laut ke vapas na aaen ham

taufiq-e-sair-e-bagh agar ho to ab ki shaam

dil ki jagah shajar pe parinde banaen ham

khamosh ho raho ki sar-e-shahr-e-arzu

uftad vo padi hai ki ab kya bataen ham

More Poems

Leave a Comment