Shuja Khaavar
nikal zaat se bahar nikal tanha.i
kamal jab hai ki sheron men Daal tanha.i
azab-e-jan bhi jahan men nahin koi aisa
rafiq bhi hai baḌi be-misal tanha.i
tamam zindagi do vaqi.at men yuun hai
uruuj us ki rifaqat zaval tanha.i
koi bhi vaqt ho tera hi zikr karti hai
kabhi to puchhe hamara bhi haal tanha.i
agarche shahr men bikhri hai ja-ba-ja phir bhi
‘shuja.a’ apne liye ghar men paal tanha.i
Leave a Reply