Minu Bakshi
nigar-e-paikar-e-farda men Dhal ke dekhte hain
ham apne vaqt se aage nikal ke dekhte hain
tumhari aankh men tevar ghazal ke dekhte hain
isi liye tumhen pahlu badal ke dekhte hain
suna hai surḳh-ru hone ka ye tariqa hai
so tere ishq ki atish men jal ke dekhte hain
hamin hain ek jo lipTe hain apne maazi se
jahan men varna sabhi ḳhvab kal ke dekhte hain
ye dekhte hain ki kahte hain log kya ham ko
mizaj-e-vaqt ke sanche men Dhal ke dekhte hain
jamal-e-yar ki tabish are ma.az-allah
unhen jo dekhte hain vo sambhal ke dekhte hain
Leave a Reply