khula har manzar-e-fikr-o-nazar ahista ahista
chhaTa aḳhir ghubar-e-rahguzar ahista ahista
vo ik be-nam sa koi jazira bahr-e-imka۔n men
parindon se mili ham ko ḳhabar ahista ahista
nazar men chashm-e-tar men ya kabhi aghosh-e-dariya men
guhar takmil hota hai magar ahista ahista
na jaane tishnagi thi ya koi ehsas-e-mahrumi
jale ik aag men ham-umr bhar ahista ahista
vo kuchh bhuli hui yaden vo dhundli chand tasviren
sada.en deti hain ab bhi magar ahista ahista
hue jaate hain ḳhushiyon ke manazir kam se kam ‘anjum’
bichhaḌte ja rahe hain ham-safar ahista ahista
Leave a Reply