Chale to Rah Mein Chubhne Lage the sannaTe

chale to raah meñ chubhne lage the sannāTe

ruke to shor sā andar sunā.ī detā hai

ye kis ne rakh dī hai daftar meñ ghar kī ḳhāmoshī

jo ghar meñ aa.eñ to daftar sunā.ī detā hai

alag sā shor jo apne hī ghar meñ sunte ho

nikal ke dekho to ghar ghar sunā.ī detā hai

mujhe vo kyuuñ mirī tanhā.iyoñ meñ miltā hai

vo kaun hai mujhe aksar sunā.ī detā hai

vo hiddateñ tire lahje kī kyā huiiñ āḳhir

tire laboñ se december sunā.ī detā hai

tamām shahr samā.at kā jabr sahtā hai

ye kaisā shor barābar sunā.ī detā hai

Leave a Comment