chale to raah men chubhne lage the sannaTe
ruke to shor sa andar suna.i deta hai
ye kis ne rakh di hai daftar men ghar ki ḳhamoshi
jo ghar men aa.en to daftar suna.i deta hai
alag sa shor jo apne hi ghar men sunte ho
nikal ke dekho to ghar ghar suna.i deta hai
mujhe vo kyuun miri tanha.iyon men milta hai
vo kaun hai mujhe aksar suna.i deta hai
vo hiddaten tire lahje ki kya huiin aḳhir
tire labon se december suna.i deta hai
tamam shahr sama.at ka jabr sahta hai
ye kaisa shor barabar suna.i deta hai
Leave a Reply