Saima Aftab
nigah-e-shauq tira haz uThana chahungi
ḳhayal-e-ḳham tujhe azmana chahungi
miri bhi miTTi vahi hai ki jo chanab ki hai
so jald-baz huun aur paar jaana chahungi
tumhare ghar ko sajati agar sambhal paati
bikhar ga.i huun to ab ḳhaak uḌana chahungi
ghane daraḳht tiri mehrban chhanv men
udaas shaam ka ik giit gaana chahungi
agarche tark-e-ta.alluq men bhulna behtar
magar main phir bhi tumhen yaad aana chahungi
Leave a Reply