nigah-e-husn ki tasir ban gaya shayad
ḳhayal-e-zehn men zanjir ban gaya shayad
vo ek naam jo tum ne miTa diya hai abhi
jabin-e-vaqt pe tahrir ban gaya shayad
miri nigah men na-mo’tabar tha jis ka vajud
vo fasla miri taqdir ban gaya shayad
ḳhud apna chehra bhi ab to nazar nahin aata
har aa.ina tiri tasvir ban gaya shayad
rah-e-ḳhulus men fitrat thi jis ki mustahkam
vo sang-e-mil bhi rahgir ban gaya shayad
Leave a Reply