Nazzara-E-Rukh-E-Saqi Se Mujhko Masti Hai

nazzara-e-rukh-e-saqi se mujh ko masti hai

ye aftab parasti bhi mai-parasti hai

khuda ko bhuul gaya mahv-e-khud-parasti hai

tu aur kaam men hai maut tujh pe hasti hai

na gul hain ab na vo saaqi na mai-parasti hai

chaman men menh ke evaz be-kasi barasti hai

ye mulk-e-husn bhi janan ajiib basti hai

ki dil si chiiz yahan kaudiyon se sasti hai

mah-e-siyam men go mana-e-mai-parasti hai

magar huun mast ki har roz faqa-masti hai

ye be-sabat bahar-e-riyaz-e-hasti hai

kali jo chatki to hasti par apni hansti hai

bas ek raat ka mehman charagh-e-hasti hai

sirhane roegi ab shama gor hansti hai

dila ye gor-e-ghariban bhi zor basti hai

bajae abr yahan be-kasi barasti hai

gaya jo yaan se tah-e-khak vo kabhi na phira

zamin ke niche bhi dilchasp koi basti hai

naha ke baal nichode to yaar kahne laga

ghata siyah isi tarah se barasti hai

bas ek haath men do tukde kar diya ham ko

hamare yaar ki ik ye bhi tez-dasti hai

kiya hai chaak gareban subh-e-mahshar tak

ye apne josh-e-junun ki daraz-dasti hai

hamen to qatl kiya bas isi nazakat ne

ki vo uthati hain tegh aur nahin ukasti hai

dikha ke phuul se chehre ko dil liya khush ho

jo badle gul ke mile andalib sasti hai

ab ek tauba pe aati hai maghfirat tire haath

kharid kar ki nihayat ye jins sasti hai

dikhae jis ne ye surat hamen dam-e-akhir

usi ko dekhne ko ruuh ab tarasti hai

na tuuti shisha-e-mai meri sang-e-marqad se

pas az fana bhi mujhe pas-e-mai-parasti hai

asiir kar ke hamen khush na hoiyo sayyad

ki tu bhi yaan to giraftar-e-dam-e-hasti hai

ajab nahin dam-e-isa se bhi jo gul ho jaate

ki sham-e-subh hamara charagh-e-hasti hai

vo mangta hai miri jaan ru-numai men

yahi jo mol hai to jins-e-husn sasti hai

kiya hai us ne to yusuf ka chaak daman-e-pak

na puchho ishq ki jo kuchh daraz-dasti hai

kahun main vahi hai saaqi vahi subu vahi jaam

mudam-e-bada-e-vahdat ki mujh ko masti hai

alam hai tegh-e-do-dam taire sar jhukae huun main

tiri gali men bhi zalim bulandi pasti hai

jo chahe rahmat-e-haq ijz kar shiar apna

ravan udhar ko hai paani jidhar ko pasti hai

safed ho gai mu-e-siyah ghaflat chhod

hui hai subh koi dam charagh hasti hai

har ik javan ka qad kham hua hai piiri se

maal-e-kar bulandi jahan men pasti hai

vo apni jumbish-e-abru dikha ke kahta hai

ye vo hai tegh isharon hi se jo kasti hai

che khush bavad ki bar aayed bek karishma do kaar

sanam baghal men hai dil mahv-e-haq-parasti hai

hai khuub pahle se ‘goya’ karun main tark-e-sukhan

ki ek dam men ye khamosh sham-e-hasti hai

Leave a Comment