Nazar Tak Aaya Hai Pahchan Tak Nahin Aaya

Poet

nazar tak aaya hai pahchan tak nahin aaya

ye vahima abhi imkan tak nahin aaya

jarahat-e-gham-e-dauran ki ibtida kahiye

dil-e-jahan-zada paikan tak nahin aaya

vo aur baat ki jaan ki amaan mangi thi

main us ki bai.at-o-paikan tak nahin aaya

bas us ke lams ka ilham hi utarta hai

vo mere mus.haf-e-vijdan tak nahin aaya

ye zindagi to nafi men guzar di main ne

par us ke halqa-e-mizan tak nahin aaya

kitab-e-husn ki ta.abir ḳhair kya karta

‘nadim’ aa.ina unvan tak nahin aaya