nazar se duur ufuq se pare uḌaan men the
ḳhuda hi jaane ki vo log kis jahan men the
falak ki samt uTha.e hue nigahen log
juda juda kisi ma.abud ke guman men the
samajhne vaale samajhte hain is haqiqat ko
sahife jitne bhi utre hamari shaan men the
ye rang rang manazir ye rang rang ke log
tamam raat kisi ḳhvab ke makan men the
bas apne aap ko paaya to kamyab hue
magar bata nahin sakte kis imtihan men the
Leave a Reply