Abul Hasanat Haqqi
har shakh pe thi vafa ki qindil
ai shahr bata kahan vo ban hai
bajti hui khuun ki ravani
khvahish ki giraft men badan hai
ladte ladte bikhar gae hain
ab jo bhi jahan hai naara-zan hai
har jihat mujhe pukarti hai
har samt vo rang-e-pairahan hai
leta hai vajud garm sansen
ek shola-e-shauq vo badan hai
ye kaun dhanak naha ke nikli
gul-buta chaman chaman hai
Leave a Reply