Unki Aur Meri Kisi Roz laDai Na Gai

un ki aur meri kisi roz laḌa.i na ga.i

baat bigḌi hai kuchh aisi ki bana.i na ga.i

ham ne har-chand mala un ko bahut roghan-e-qaz

par kisi shakl zara un ki rukha.i na ga.i

kyuun na khata tire milne ki qasam ho ke ye tang

thi magar zahr se bhi talḳh ki khaa.i na ga.i

is qadar zo.af men avaz nikalti to kahan

ham se zanjir-e-dar-e-yar hila.i na ga.i

us ke didar se mahrum nazakat ne rakha

donon hathon se naqab us se uTha.i na ga.i

girya-e-chashm ne sau baar uThaya tufan

par zara atish-e-dil meri bujha.i na ga.i

mar ga.e phir bhi vo muztar hai mira dil ‘arif’

ḳhaak men laash kisi taur daba.i na ga.i