Shahid Zaki
kya kahun kaise iztirar men huun
main dhuan ho ke bhi hisar men huun
ab mujhe bolna nahin paḌta
ab main har shaḳhs ki pukar men huun
jis ke aage hai a.ina divar
main bhi kirnon ki us qatar men huun
ahaTon ka asar nahin mujh par
jaane main kis ke intizar men huun
parda-poshi tiri mujhi se hai
tere anchal ke taar taar men huun
tang lagti hai ab vo aankh mujhe
dafn jaise kisi mazar men huun
mujhe men ik zalzala sa hai ‘shahid’
main ka.i din se intishar men huun
Leave a Reply