Afzal Ahmad Syed
dua ki raakh pe marmar ka itr-dan us ka
gazidgi ke liye dast-e-mehrban us ka
gahan ke roz vo daghi hui jabin us ki
shab-e-shikast vahi jism be-aman us ka
kamand-e-ghair men sab asp o gosfand us ke
nasheb-e-khak men khufta-sitara-dan us ka
tannur-e-yakh men thithurte hain khvab o khuun us ke
likha hai naam sar-e-lauh-e-raftagan us ka
chuni hui hain tah-e-khisht ungliyan us ki
khula hua hai pas-e-reg badban us ka
vo ik charagh hai divar-e-khastagi pe ruka
hava ho tez to har haal men ziyan us ka
usi se dhuup hai ambar-e-dhund hai ru-posh
giraft-e-khvab se barsar hai karvan us ka
Leave a Reply