kavita-kiran

Mila Tha Koi Sar-E-Rah Ajnabi Ki Tarah

mila tha koi sar-e-rah ajnabi ki tarah

aziiz lagta hai jo mujh ko zindagi ki tarah

vo ek shakhs andheron men jis ne chhod diya

vo ab bhi rahta hai ankhon men raushni ki tarah

ye aarzu miri barson ki hai ki aap milen

farishta ban ke nahin ban ke aadmi ki tarah

samet rakkha tha jis kahkashan ko daman men

vo ghar men utri hai ik taaza raushni ki tarah

ham is liye hi to palken bichhae rahte hain

bahut aziiz ho tum ham ko shaeri ki tarah

vo ek sach miri ankhon men hai ‘kiran’ ab bhi

jo khvab ban ke raha dil men raushni ki tarah

More Poems

Leave a Comment