Az-Bas-Ki Ji Hai Tujh Bin Bezar Zindagi Se

az-bas-ki ji hai tujh bin bezar zindagi se

behtar hai mujh ko marna ai yaar zindagi se

mar jaun main to rona mera tamam hove

shaki hain meri chashm-e-khun-bar zindagi se

us shahid-e-nihan ka kushta huun main ki jis ne

khinchi hai darmiyan men divar zindagi se

marte to chhut jaate ranj-o-mehan se yaan ke

manind-e-khizr ham hain na-char zindagi se

yaan ki aziyyaton se az-bas-ki agahi thi

karte the ham adam men inkar zindagi se

jiite agar na ham to kyuun zillaten uthate

khaai hai dil pe ham ne talvar zindagi se

sach hai uthae kab tak har ik ki be-adai

aati hai ‘mushafi’ ko ab aar zindagi se

Leave a Comment