Na baKHsha Gul Ko Bhi Dast-E-Qaza Ne

na baḳhshā gul ko bhī dast-e-qazā ne

bahut minnat-samājat kī sabā ne

safar meñ rahnumā.ī ke bahāne

lagāyā barq ne mujh ko Thikāne

salāsil toḌnā mushkil nahīñ thā

mujhe rokā sadā ahd-e-vafā ne

sivā tere nahīñ kuchh dīdanī hai

manāzir haiñ sabhī sadiyoñ purāne

tavāzun rishtoñ meñ rakkhā hai qaa.em

jafā ne aap kī merī vafā ne

Leave a Comment