nazar se duur hote ja rahe hain
sarapa nuur hote ja rahe hain
jinhen badnam karna chahte ho
vahi mash.hur hote ja rahe hain
ham aghaz-e-safar se pahle hi kyuun
thakan se chuur hote ja rahe hain
baḌhi hai raushni tahzib-e-nau ki
makan be-nur hote ja rahe hain
har ik apna janaza Dho raha hai
sabhi mazdur hote ja rahe hain
khile the phuul zaḳhmon ke jo ik din
vo ab nasur hote ja rahe hain
Leave a Reply