Poet
nazar-navaz hai husn-e-ḳhajista-pai ab bhi
khaTak rahi hai magar dil men koi shai ab bhi
ba-qaid-e-tauba vahi ehtiram hai ab bhi
miri nazar men hai ḳhurshid-e-jam-e-mai ab bhi
main gharq-e-be-ḳhudi-e-shauq hi sahi lekin
tumhen pukar luun itna to hosh hai ab bhi
ye zarf hai mira ai rahbar-numa rahzan
ki chal raha huun tire saath pai-ba-pai ab bhi
ghalat nahin ki ho tum jada-azma-e-haram
na hogi rah-e-vafa shaiḳh tum se tai ab bhi
vo soz-o-saz-e-gham-e-ishq ab kahan lekin
nikalti hai mire naghmon se gham ki lai ab bhi
kabhi idhar se koi nai-navaz guzra tha
faza men guunj rahi hai sada-e-nai ab bhi
Leave a Reply