Is Se Pahle Ki Gham-E-Ishq Fughan Tak Pahunche

is se pahle ki ġham-e-ishq fuġhāñ tak pahuñche

tum ye mauqa hī na do baat yahāñ tak pahuñche

tā-ba-dāmān-e-junūñ aql nigahbān rahī

phir mujhe hosh nahīñ haath kahāñ tak pahuñche

le ġham-e-ishq hamī ḳhaak hue jaate haiñ

ye to kahne ko na hogā ki fuġhāñ tak pahuñche

aise māhaul meñ fariyād bhī lā-hāsil hai

zabt karne se jahāñ baat fuġhāñ tak pahuñche

Leave a Comment