nazar mila na sake us se is nigah ke ba.ad
vahi hai haal hamara jo ho gunah ke ba.ad
main kaise aur kis samt moḌta ḳhud ko
kisi ki chaah na thi dil men teri chaah ke ba.ad
havas ne toḌ di barson ki sadhna meri
gunah kya hai ye jaana magar gunah ke ba.ad
zamir kaanp to jaata hai aap kuchh bhi kahen
vo ho gunah se pahle ki ho gunah ke ba.ad
kaTi hui thiin tanaben tamam rishton ki
chhupata sar main kahan tujh se rasm-o-rah ke ba.ad
gavah chaah rahe the vo be-gunahi ka
zaban se kah na saka kuchh ḳhuda gavah ke ba.ad
Leave a Reply