Sufi
muqaddar ne kahan koi naya paigham likkha hai
azal hi se varaq par dil ke tera naam likkha hai
qadam men janib-e-manzil badhaun kya ki qismat ne
jahan aghaz likkha tha vahin anjam likha hai
shikayat kya karun saaqi se main us ke taghaful ki
mire honton ke hisse hi men khali jaam likkha hai
hamen hain muntakhab roz-e-azal se dard ki khatir
hamare nama-e-qismat men har ilzam likkha hai
musalsal gham musalsal dard se tang aa ke ai ‘sahil’
ham aise ahl-e-furqat ne sahar ko shaam likkha hai
Leave a Reply