Poet
aap to raat so liye sahab
ham ne takiye bhigo liye sahab
dard ki dhuul gham ki bad-e-sumum
ghar ka darvaza kholiye sahab
us ke daman ko chhu ke aa.e hain
ham ko phulon men tauliye sahab
talḳhiyon ka mizaj badlega
zahar men qand gholiye sahab
dekhiye ḳhud ko mere chehre men
aks shishe men tauliye sahab
ham bhi munh men zaban rakhte hain
itna uncha na boliye sahab
‘mauj’ se mauj hai ishara-kunan
badbanon ko kholiye sahab
Leave a Reply