Zaban Ho Chup to Tewar Bolte Hain

zabāñ ho chup to tevar bolte haiñ

pas-e-manzar se manzar se bolte haiñ

bas ik tū hī to hai vo jis ke haq meñ

zamīñ zarrāt patthar bolte haiñ

lahū gar tarjumān-e-bandagī ho

gale tak aa ke ḳhanjar bolte haiñ

maiñ vo qaidī huuñ jis se ḳhalvatoñ meñ

gale ke tauq-o-lañgar bolte haiñ

sar-e-mahfil jo kuchh ḳhāmosh se haiñ

vo tanhā.ī meñ aksar bolte haiñ

Leave a Comment