pirzada-qasim

Nazar Mein Nit-Nai Hairaniyan Liye Phiriye

nazar men nit-nai hairaniyan liye phiriye

saron pe rose naya asman liye phiriye

ab is faza ki kasafat men kyuun izafa ho

ghubar-e-dil hai so dil men nihan liye phiriye

yahi bacha hai so ab ziist ki gavahi men

yahi nishan-e-dil-e-be-nishan liye phiriye

qarar-e-jan to sar-e-ku-e-yar chhod aae

mata-e-zist hai lekin kahan liye phiriye

ajab hunar hai ki danishvari ke paikar men

kisi ka zehn kisi zaban liye phiriye

More Poems

Leave a Comment