nazar men jis ki phirti hove us khunkhar ki surat
use hargiz na khush aave gul-o-gulzar ki surat
baghair az ru-e-zeba ke jahan ka aina-khana
nazar aata hai ankhon men dar-o-divar ki surat
baha jaata hai khuun ankhon se us ki ye nishan to hai
vagarna kaun pahchane tire bimar ki surat
arz kiya aur kya jauhar koi zahir koi maz.har
muhaqqiq kahte hain un sab ko is dildar ki surat
ye zor-e-‘ishq’ hai be-shubah ham bhi tujh se kahte hain
abe sunta hai o zahid tire inkar ki surat
Leave a Reply