Jo Dekhe The Jadu Tere Hat Ke

jo dekhe the jaadu tire haat ke

hain charche abhi tak isi baat ke

ghata dekh kar ḳhush huiin ladkiyan

chhaton par khile phuul barsat ke

mujhe dard dil ka vahan le gaya

jahan dar khule the tilismat ke

hava jab chali phadphada kar ude

parinde purane mahallat ke

na tu hai kahin aur na main huun kahin

ye sab silsile hain ḳhayalat ke

‘munir’ aa rahi hai ghadi vasl ki

zamane gae hijr ki raat ke

Leave a Comment