aftab-iqbal-shamim

Nazar Ke Samne Rahna Nazar Nahin Aana

nazar ke samne rahna nazar nahin aana

tire siva ye kisi ko hunar nahin aana

ye intizar magar ikhtiyar men bhi nahin

pata to hai ki use umr bhar nahin aana

ye hijraten hain zamin o zaman se aage ki

jo ja chuka hai use laut kar nahin aana

zara si ghaib ki luknat zaban men laao

baghair is ke sukhan men asar nahin aana

har aane vaala naya rasta dikhata hai

isi liye to hamen raah par nahin aana

zara vo dusri khidki bhi khol kamre ki

nahin to taaza hava ne idhar nahin aana

karun masafaten na-afrida rahon ki

mujh aisa baad men avara-sar nahin aana

More Poems

Leave a Comment