zindagi se thaki thaki ho kya
tum bhi be-vaj.h ji rahi ho kya
dekh kar tum ko khilne lagte hain
tum gulon se bhi bolti ho kya
is qadar jo saji hui ho tum
meri ḳhatir saji hui ho kya
main to murjha gaya huun ab ke baras
tum kahin ab bhi khil rahi ho kya
aaj ye shaam bhigti kyuun hai
tum kahin chhup ke ro rahi ho kya
us ki ḳhushbu nahin rahi vaisi
shahr se apne ja chuki ho kya
Leave a Reply