Atif Tauqeer
vajud-e-ishq ka koi sira mila nahin mila
ḳhudi mili nahin mili ḳhuda mila nahin mila
tamam shahr men mile gale hazar raat se
magar kahin kisi jagah diya mila nahin mila
tumhen hamari ruuh ke nishan mile nahin mile
hamen tumhare jism ka pata mila nahin mila
ye ahd rad ka ahd tha so rasm mustarad hui
masih-e-vaqt daar par khaḌa mila nahin mila
zamin-e-dasht-e-yad bhi hava-e-sang-dil ki hai
koi nishan der tak paḌa mila nahin mila
Leave a Reply