altaf bayan hon kab ham se ai jaan tumhari surat ke
hain lakhon apni ankhon par ehsan tumhari surat ke
munh dekhe ki ye baat nahin sach puchho to ab duniya men
behosh kare hain pariyon ko insan tumhari surat ke
aina-rukhon ki mahfil men jis vaqt ayaan tum hote ho
sab aaina saan rah jaate hain hairan tumhari surat ke
kuchh kahne par mauquf nahin maalum abhi ho javega
khurshid muqabil ho dekhe ik aan tumhari surat ke
ki arz ‘nazir’ ik bose ki jab hans kar chanchal bola yuun
is munh se bosa lijiyega qurban tumhari surat ke
Leave a Reply