poet

Shama Ke Tere Karishme Ne Dil-Afrozi Ki

shama ke tere karishme ne dil-afrozi ki

in ne tab duur ye mahfil ki siyah-rozi ki

aae bu garmi-e-khurshid se dil-sozi ki

sarguzisht apni kahin ham jo siyah-rozi ki

aah parvana ye kyuun shama pe jalta hoga

raat ko bazm men bu aati thi jan-sozi ki

qaht-e-gham-khvar se az-bas-ki ye dil jalta tha

dil ke jalne pe miri shama ne dil-sozi ki

ashk ka taar le ankhon ne mizha ki sozan

jama kar lakht-e-jigar zor-e-jigar-sozi ki

mahr-o-mah abr-o-hava tere liye sargardan

banda sunta hai abas fikr na kar rozi ki

ishq men jalte hain raushan hai ye un par…..

shama ko tarz sikhaya hai dil-afrozi ki

More Poems

Leave a Comment