Pandit Jagmohan Nath Raina Shauq
ishq ka raaz na kyuun dil se numayan ho jaa.e
kaash ye bhi kisi nakam ka arman ho jaa.e
nahin ummid ki vo hashr-ba-daman ho jaa.e
aisa divana jo ḳhud daḳhil-e-zindan ho jaa.e
dard qaabu ka nahin kaash vo uTh kar shab-e-gham
sarguzisht-e-dil-e-nashad ka unvan ho jaa.e
na tasalli na dilasa na kahin naam ko sabr
haif is dil pe ki yuun be-sar-o-saman ho jaa.e
ghunche chaTken ki khilen phuul baḌhe josh-e-numu
husn-e-pinhan kisi unvan se numayan ho jaa.e
Leave a Reply