sharab-o-shisha-o-saghar subu-o-paimana
fida-e-nim-nigahi tamam mai-ḳhana
qadam qadam pe mashiyyat ne paanv chume hain
ye kis maqam se guzra hai tera divana
kabhi kabhi to haram kya hai but-kada kya hai
main tere dar se bhi guzra huun be-niyazana
usi ke dam se hai raushan harim-e-ka.aba-e-dil
ḳhuda kare ki na gul ho charagh-e-but-ḳhana
jamal-e-yar jhalakta hai ‘arzu’ jis men
miri ghazal hai vo rangin a.ina-ḳhana
Leave a Reply