Sabir Zafar
nazar aate nahin hain bahr men ham
ya.ani rahte hain apni lahr men ham
khul rahe hain bandhe hue pul se
ghul rahe hain ḳhud apne zahr men ham
hai qafas bhi tilism-ḳhana-e-ḳhvab
aa ga.e ek aur shahr men ham
kisi zindan men sochna hai abas
dahr ham men hai ya ki dahr men ham
ho ga.i raat so len kuchh sardar
jaag uTThenge pichhle pahr men ham
ham hain maqtal men aur qatil gham
kaise laa.e ga.e the qahr men ham
ab jaga.egi yaad us ki ‘zafar’
chhoḌ aa.e jo niind nahr men ham
Leave a Reply